.

.

 

.

Babbelegoegies:

Wijs op reis. Dat hej met dat Drèents, wies op reis, dat riemt ja niet en klinkt ok veur gien meter. Ok aj een gedichie wilt maken, dan loop ij daor altied weer tegen an!

Wij zit nog aal in die corona lockdown en ok al kan der wat meer, wij bint er nog lang niet klaor met. Het is coronadit en coronadat en een hiele koppel mèensken leup met de centen van de kapper in de buus. Zo iniens har iederien een dikke bos, veulal gries haor ! Ik ok!  Een coronakapsel!! Mar gelukkig bin ik inmiddels met het haor hen de kapper west en zo ok een hiele bende met mij. Het much weer!!

Ik heb net even naor oeze minister president keken, ik bin bliede da`k niet in die man zien schoenen stao, want ij doet `t nooit goed! De best bestuurder zit altied naost de chauffeur!

Op vekaansie gaon

Het gung dit keer veurnamelijk over op vekaansie gaon. In welk land oj  welkom bint en in welk land niet. Der komp gelukkig wat lochtigheid, ij kunt zo zachiesan weer wat oet de voeten! En hoe giet het met de sanitaire veurzieningen? Eerst mussen ze nog dicht blieven, mar inmiddels is bekend worden dat ze hiel binnenkört weer lös mugt. Wij zaten daor niet zo slim met in de maag, want aj met de camper vort gaot zoas wij, dan haj de ofgelopen tied een streepie veur want wij bint gehiel zölfveurzienend. Dat klinkt hiel veurnaam, mar `t holdt niks aan in dan dat wij een wc en een douche an boord hebt. En non moej niet denken dat dat superdeluxe is heur, `t is mar een klein douchie en ij kunt je de kont niet keren ! Mar as `t er niet al te dik op zit, dan kuj je der best met redden.

En dan die mondkappies!

Aj in Duutsland hen de winkel gaot, dan moej der an geleuven en bij `t tanken ok. Gelukkig is dan in Nederland niet zo ! Aj met de bus of met de trein gaot wal, he`k begrepen, regelties zus en regelties zo, ij ziet deur de bomen het bos niet meer!

Het verschilt zölfs per previncie, zo hebt ze in Drenthe gien mondkappies, mar snoetschoeties !

Ach, ok al is `t ien en al narigheid, een beetie gekheid op zien tied kan gien kwaod, zo tröf ik lèest iene, die zee dat ik mij gien zörgen huufde te maken over dat neie normaal, want zo zeed e: ik heb even met Bennie Jolink beld en die zee dat er gien nei normaal komp!

Punt oet!!

Oes Eig'n Kraantien d.d. 30 juni 2020

Plaats reactie

De redactie behoudt zich het recht voor, ingezonden reacties niet te publiceren, indien de redactie meent dat deze reactie onnodig kwetsend is, of beledigende inhoud bevat.

Informatie

Zweeloo-digitaal is een initiatief van en voor inwoners uit de regio Zweeloo en omstreken en voor iedereen die interesse heeft in de regio. Het is een niet-commerciële website. Als u aanvullingen, tips of journalistieke inbreng heeft ontvangen wij die graag. Wij kunnen onze website daar weer mee verbeteren.
Rechts hiervan kunt u het Contactformulier openen.

DB Sweel