Artikel
De aoventuren van Binkie ( deel 10 )

IJ doet vast wal iens bosschuppen bij de Coop, want ’t is ’n veurnaam ding, daj oenze winkels op ’t dörp in stand holdt. Aans moej aaltieding hen Emmen of zo en denk er um, ij hebt de benzine ok niet veur niks.

Non kuj wal zeggen, daj ok nog op fietse kunt, mar aj ’n dikke hoesholding hebt, wul je ’t niet metvallen um alles met te slepen en ’t openbaar vervoer is ok niet alles.

Non, twie keer in de week, dan gaot ’t vrouwgien en ik hen de supermarkt.

Op de kuierlatten ! Ij moet je an ’t eten holden hè ?

 

Veuran daor bij de winkel en waor aj de kar pakt, daor hangt ’n bordtien met de tekst : ”U kunt hier uw hond achterlaten”. Ja, zie proot daor dunkt mij hoogop. Aj dus ’n klein zwart siepien ziet zitten, dan hej negen op de tien keer kans, dat ik dat bin. Binkie oet oes eig’n kraantien.

Aai mij mar niet heur, want ik bin levensgevaorlijk. Ik heb al iens eerder iene opvreten ! Nee heur, ij hebt zeker wal in de gaten, da’k je veur ’t lappien hol.

 

Hej veurige week dat stukkien ok lezen in ’t kraantien, waor boven stun dat ze ’n vrijwillige bijdrage van je wult hebben ? Non, zie hebt geliek ok mar even oet de doeken daon, dat ik ok gien puut extra voor krieg.

Wat is ’t toch ok wat niet ? Moe’k zeker de stok mar in de bek binden !

Mar ’t giet er wal goed um heur, ’k heb ’t ok agil niet zo op die dreuge brokken en ’k bin dik zat. Ik heb ’n goed kosthoes !

 

Weej nog wal, da’k ’t har over die vriendin van ’t vrouwgien ?

Dennende met dat rooie haor !

Non, ’t vuul met heur, ’t was mar nep, ’t kwam gewoon oet ’n pottien.

Zo non en dan doet die vrouwlu een kleurtien in ’t haor. Zie wult gien zulverdraoden tussen ’t gold. ’t Vrouwgien en ik vunden de kleur van die vriendin einlijk ok wal wat te grel, mar wij hadden besleuten um ’t mar stil te laoten geworden, want aj der wat van zegt, dan kuj der donder op zeggen, dat ze ’t juust nog ’n graodtien arger maakt. Aaltieding tegen ’t heil in ! Kiek, de mieste mèensken hebt ien hond of hielemaol gienende. Toch ?

Mar het hef der geliek drieë anschaft. Non ja, ’t bint mar hiele piepkleinties heur, zie bint van ’t mark ’teckel’. Aj ze goed bekiekt, bint ’t net van die frikadellegies op pooties. Zie hiet Dirk, Dorus en Job en wij akkedeert goed met mekaar. Op dinsdag en op dunderdag gaow der met zien allen op oet. Hiel veul kilometers leg wij dan of, wij gaot echt overal hen. Zeg mar, deur de bos en deur de heide. En dat ’t vrouwgien van die hondties smangs wat malle fratsen hef, dat kan mien vrouwgien niks schelen, want as ’t puntien bij ’t paoltien komp, is ’t ’n best wicht en zie bint vriendinnen veur ’t leven, die twieë.

 

Hopenlijk nao vandaag ok nog !!!!           Woef !!!!

 

Zoeken in de site

Binkie's aoventuren

Kunst & cultuurnieuws

Schrijven was voor Yvonne Brill (78) de essentie van het leven

Afgelopen week overleed Yvonne Brill aan de gevolgen van het coronavirus. De 78-jarige auteur en illustrator uit Aalden verwierf nationale bekendheid met haar boekenreeks over het paardenmeisje Bianca. Schrijven was voo...

dinsdag, 12 januari 2021

Lees verder

Samenwerking plattelandsjongeren en AZC

Vanuit een samenwerking tussen www.plattelandsjongeren.nl  en het AZC is er de mogelijkheid voor jongeren tussen de 14 en 30 jaar de mogelijkheid om een 12-weekse toneelactiviteit te vol...

woensdag, 6 januari 2021

Lees verder

Presentatie project Levenslied

Iedereen heeft een verhaal, ook jij! Kom naar een van de startavonden in januari en meld je aan. Stuur een e-mail naar culturelegemeente@coevorden.nl  Er zijn drie sta...

donderdag, 17 december 2020

Lees verder
Willekeurige foto