Artikel
De aoventuren van Binkie ( deel 11 )

 

Vandage za’k je iens ’n mooi staoltien vertellen over ’t kleuren van dat haor van die vrouwlu.

Oh, oh, wat ’n kopzörgen levert dat bijtoeren op !

Iens in de zoveul tied, as de griezen der weer deur komt, dan möt ’t weer weden. ’t Baosien wordt dan hen ’t schuurtien stuurd, want zie hebt gien verlet um pottenkiekers.

 

Sinds kört hebt ze weer wat neis ontdekt.

 

Eerst brengt ze ’n undergrond an en dan komp der later een soort bliekmiddel an te pas. Een kwastien um dat spul op te brengen, zit er ok bij.

 

Ja, ’t bint net van die kunstschilders, Vincent van Gogh is der niks bij !

’t Vrouwgien vun ’t eigenlijk allemaol nogal wat ’n hachelijke underneming, mar die vriendin is met zukke dinger biezunder rap. Ze döt ’t wal even !

En hup, ’t vrouwgien kreeg ’n handdoek over de scholders en daor gung ’t hen, de grondvarf zuw mar zeggen, gung der op. Dat mus ’n half uur inwarken en toen mus ’t oetspuuld worden.

 

Intuskentied waarde ik mij zoveul as ’t maar kun, want ik was as de dood, dat ze mij ok under handen zulden nimmen.

Ja, ik hol ze der niks te goed veur !

Ziej ’t al veur je, ikke met ’n coup soleil ?

 

En toen iniens vleug de badkamerdeur lös em wij heurden ’n schrieuw, die gung oes deur marg en bien. Het gung van : Shit !!!!!

Wij vleugen der hen en daor stun ’t arme wicht, d’ogen wild in de kop en met ’n roetzwarte bos haor.

Nog zwarter as mienende !

Ik dacht : ”Grotemientied, dit komp nooit meer goed”.

Mar die vriendin zee: ”Stel je niet an ” en al zo wat meer en ze drukte heur weer op de stoel. Toen gung ze driftig in de weer met dat kwastien en dat andere goed, wat er ok bijheurde. En weer gung der ’n half uur met hen. Non, ’k mag starven as ’t niet waor is, mar de wondern bint de wereld nog niet oet. Toen de lèeste rommel deur ’t ofvoerputtien wegspuuld was, toen har ik weer ’n hiel schier vrouwgien.

 

Ik bin der goed ofkommen, al beleef ik wal wat heur, met die kuunsten van dat   stellegien malloten. Zie wult er mar niet an, dat aj older wordt, daj der niet mooier op wordt.

Gries haor, rimpels,’n kunstgebit, spataoders en ’n leesbrillegien, ’t heurt der allendonder bij.

 

Mar wat gef ’t, ien ding is slim belangriek, as je haor mar goed zit !!!

 

Woef !!!!!!

 

Zoeken in de site

Binkie's aoventuren

Kunst & cultuurnieuws

Schrijven was voor Yvonne Brill (78) de essentie van het leven

Afgelopen week overleed Yvonne Brill aan de gevolgen van het coronavirus. De 78-jarige auteur en illustrator uit Aalden verwierf nationale bekendheid met haar boekenreeks over het paardenmeisje Bianca. Schrijven was voo...

dinsdag, 12 januari 2021

Lees verder

Samenwerking plattelandsjongeren en AZC

Vanuit een samenwerking tussen www.plattelandsjongeren.nl  en het AZC is er de mogelijkheid voor jongeren tussen de 14 en 30 jaar de mogelijkheid om een 12-weekse toneelactiviteit te vol...

woensdag, 6 januari 2021

Lees verder

Presentatie project Levenslied

Iedereen heeft een verhaal, ook jij! Kom naar een van de startavonden in januari en meld je aan. Stuur een e-mail naar culturelegemeente@coevorden.nl  Er zijn drie sta...

donderdag, 17 december 2020

Lees verder
Willekeurige foto