Corona en..het ies kan lieden! Tja, vrolijk worj der niet van, corona hef alles en iederien nog stevig in zien greep, al is der wal hier en daor een piepklein lichtpuntie. De legere schoel is weer lös, met handhaving van het snötneusbeleid. Dat gef weer wat luchtigheid veur de vaders en de moeders!

Beetie vrömd? Zult mèensken mij wal ie een beetie vrömd vinden? Altied mar dar gesjouw met dat hondtie en der ok nog tegen proten asof 't een kind is, ja da's toch op zien minst wal een hiel klein beetie vrömd!

Een beetie van alles en nog wat…………….. Wij bint pas weer een toertie vort west, samen met aans nog welkenden biw hen de Moezel west. Oeze hondties waren ok met.

Wijs op reis. Dat hej met dat Drèents, wies op reis, dat riemt ja niet en klinkt ok veur gien meter. Ok aj een gedichie wilt maken, dan loop ij daor altied weer tegen an !

Op weg naor het neie normaal. Hej dat non ok? IJ gaot er met hen berre en ij stao er met weerop. Der is gien ontkommen an! Wij zit in een intelligente lockdown, zo nuumt ze dat.Het liekt wal asof wij in ien of aandere horrorfilm beland bint! Op boeten komp de natuur tot leven, alles giet gruien en bluien, mar wij moet zoveul meugelijk in hoes blieven umdat er een onzichtbaar monster (Corona) dood en verdarf zeit under de meènsken.

Allereerst wil ik Grietje Hollander van harte fieliesteren! Ik bladerde deur `t kraantien en ik dacht: kiek toch ies an, wat een prachtige foto en wat een prestatie, 25 jaor bij `t koor! Grietje wicht, geweldig, eerlijkse waor, dat doe`k je niet nao! `t Har eigenlijk wal een plekkie op de veurpagina verdiend, mar ja, daor stunden Cees en Lientje Scheper al, die waren 60 jaor trouwd en ja, eerlijk is eerlijk, da`s nog een veul grotere prestatie.

Febrewari maond, sprokkelmaond en aans nog wat! Tja, al weer gien Elfstedentocht! Alle dagen hetzölfde liedtien, kold, regen en een flinke fos wind, ja zölfs Ciara kwam langs en bliksie kater, dat was gien störm in een glas water! Het gaf wal wat ofleiding, mar niet dat soort waor aj op zit te wachten.

Nog een gelukkig neijaor! Wij bint de bocht weerum! Het lèeste stukkie vuul agil nog niet zoveul met. Het liekt wal asof de vuurwarkgekte ieder jaor arger wordt. Ik klaag niet en ik bel ok niet hen de plietsie, want ien dag in ´t jaor, dat overleef ik wal. Ik gun elkenien een pleziertie en ok wal twie plezierties, mar aj een hond hebt die der bang veur is, dan hej gien mooie dagen.

Da`s lang leden dat er een Babbelegoegies in Oes Eig’n Kraantien staon hef hè? Mar ’t wordt neudig tied, want het giet volgens mij agil niet goed met oeze Drentse taol! Nim non Oes Eig’n Kraantien, een Drentse naam, mar der komp praktisch gien Drents woord in veur. Dus daor möt veraandering in kommen!

Vanzölf bin ik der veur

Dat kinder Drèents moet leren

Behalve die van mij

Die gaot studeren.